قصص رعب مكتوبة #مدينة الاشباح الجزء العاشر والاخير

#اصـــانــــــعة__الـــرعـــــــب

#الارشيف

#قصه :  مدينة الاشباح 

تأليف : 

( #اتمنى_______لكم______قراءه______ممتعه )

  

صلو علي النبي 💙...

يلا نكمل الجزء العاشر والأخير.....

وشافوا طائر كبييييييير شبه الديناصورات وراسه شبه البومه وقعد يلف حوالين القصر وفى النهايه استقر على سطح القصر .. 

فضلوا باصينله وهو باصصلهم دقيقه وفجأه الطائر الضخم ده طتر ناحيتهم وقعوا كلهم فى الارض والطائر مسك دماغ

 #فريده برجليه وطار وقف على سطح القصر تانى وخرج من صوت قوى .. 

بيقول ..

انتوا عديتوا اول مرحله .. 

باقى مرحلتين

عبده : بس انت قولتلنا ان احنا لو عدينا كل المراخل هنخرج من هنا سلام

- وانا لم أأذى احد .. 

انت اخترت ونفذت وقلبك هو من دلك .. والأن المرحله التانيه ..

 بداخل بطن صديقتكم يوجد كيس الكيس به 3 اوراق .. فى ضهر كل ورقه اسم شخص منكم .. 

كل واحد هياخد الورقه الخاصه بيه وينفزها لو عاوز يعيش

وبعد كده الطائر ده اختفى فى الهوا زى الدخان

عبده : ايه اللى بيحصلنا ده

  ايييييييييه ده 

محمود : اهدى بس يا عبده وادخل ارتاح فى القصر واحنا هنجيبلك ورقتك ونيجى

عبده : هتجيبولى ورقتى ؟؟ 

هتقطعوا بطن فريده !! 

احمد : طيب ما انت قطعت رقبتها .. 

وبعدين خلاص دى ميته دلوقتى اعتبرنا دكاتره يا اخى وبنشرحها ..

 مش احسن ما كلنا نموت ؟؟؟؟؟

بصلهم عبده بنظرة انكسار والدموع مغرقه عنيه ومشى ناحية القصر وراح احمد ومحمود عند جثة فريده بصولها وقام محمود شالها هو واحمد وراحوا قدام القبر بتاعها وحطوها على الارض قدامه .. 

وخرج احمد الخنجر وبص لمحمود وقام غارزه فى بطن فريده وسحب الخنجر بطول بطن فريده .. 

بمعنى اصح شق بطن فريده من اولها ﻷخرها  .. 

بص فى بطنها بعد ما كل الدم اتصفى منها لقى الكيس وخرجه من بطن فريده

احمد : طيب تمام كده احنا لقينا الكيس يلا ندخل لعبده ونشوف ورقنا مكتوب فيه ايه

محمود : طيب وبالنسبه لفريده ؟؟

احمد : مالها !!

محمود : انت مجنون يا احمد ؟؟ ايه اللى مالها مش هندفنها !

احمد : ندفنها اه عندك حق لازم ندفنها

قام احمد ومحمود وحركوا الرخامه اللى فوق قبرها وشالوها حطوها فى القبر واول ما قفلوا عليها القبر فضل يتهز جامد وبعدين بدأ يتحرك ونزل تحت الأرض والأرض اتساوت تانى كأن مكنش فى حاجه خالص فى المكان ده

بصوا لبعض نظرة اللى هو ايه اللى حصل ده 

بش مفيش حاج ف اديهم يعملوها فأخدوا الورق وراحوا دخلوا القصر علشان يدوا الورقه بتاع عبده لعبده وهما كمان يعرفوا ايه اللى فى ورقهم ....

دخلوا القصر لقيوا عبده قاعد ولسه بيبكى

محمود : طب ايه يا عبده هتفضل كده يعنى ؟؟

احمد : العياط مش هيرجع فريده على فكره

عبده : قبل ما ادبح فريده وقبل حتى الاختبار ما يبدأ .. 

سمعت صرخه من فريده دخلت اجرى اشوف فى ايه لقيت ان اللوحه اللى كان مرسوم فيها الساحر اتحولت لصورة فريده مدبوحه ومازل منها بركة دم .. 

وهو ده اللى حصل 😭😭

محمود : واهى ماتت .. هتفضل تعيط ولا نحاول نخرج نفسنا من المكان الملعون ده !!

عبده : بصوا كده (شاور على اللوحه)

بصوا على اللوحه .. اتصدموا  ..

 كان اللى مرسوم المره دى محمود .. 

اللوحه اتحولت من صورة الساحر لفريده ومن فريده لمحمود 

وكان محمود فى الصوره مقطوع نصين ✋

بعد ما كان محمود كان بيحاول يهدى عبده .. 

بقى محتاج اللى يهديه .. 

#الرعب سيطر عليه سيطر على جسمه شل تفكيره حس ان فى حد هيقتله زى ما حصل مع فريده .. 

اعصابه اتكهربت حس انه لازم يتصرف قبل ما ده يحصل ..

 خرج من جمبه السكينه الكبيره اللى استعملها فى قطع حتة اللحم من الحصان .. 

جرى احمد وعبده من قدامه

عبده : انت بتعمل ايه

محمود : ما انا لو معملتش كده هتقطعونى نصين

عبده : يابنى نقطع مين احنا مش هنعمل كده طبعا 

محمود : انت بالذات تخرص انت لسه دابح حبيبتك مش هتموتنى انا 😨😨

عبده : يابنى اهدى بقى بطل عبط انا مكنتش اعرف ان هيا .. اكيد مكنش نفسى اقتلها

بص احمد لعبده وغمزله بطرف عينه ف عبده فهم ان فى خط علشان يحوشوا من ايد محمود السكينه .. 

وبالهداوه اتسحب احمد ووقف فى مكان مستخبى من غير ما محمود ياخد باله منه بص عبده لمحمود ووقف على بعد خطوات منه وقاله لو ده اللى هيريحك يبقى تعالى اقتلنى حالآ ..

 جرى محمود على عبده علشان يقتله قام مد احمد رجله فى طريق محمود ومع السرعه اللى كان بيجرى بيعا اختل توازنه ووقع وطارت منه السكينه فى الهوا وفضلت تلف وقامت نازله على بطنه قسمته نصين 

بصلهم محموده وروحه بتطلع اخر لحظات ليه شايف عبده بيجرى ناحيته وبيصرخ بصوت عالى ومخضوض عليه وبعدها روحه طلعت 

عبده : يا خبر منيل بستين نيله..... 

ايه اللى بيحصل ده محمود كمان مات ..

 اكيد دورنا انا وانت جاى يا احمد خلاص

احمد : اللى حصل غصب عنى  .. 

بس اهو حصل ..

 ولازم ندفنه دلوقتى

كل واحد فيهم شال نص وراحوا يدفنوه وحصل نفس اللى حصل فى مقبرة فريده ..

 اتهزت شويه وبعدين نزلت تحت الأرض واختفت

احمد : عبده .. 

كده مبقاش موجود غير انا وانت بس ..

 وعاوز احكيلك حاجه

عبده : احكى

احمد : من شهرين فاتوا انا كنت سمع عن المدينه دى وان اسمها 

#مدينة_الأشباح .. 

وقررت اجى اشوف اللى بيتحكى عنها .. 

وجيت لواحدى وقعدت فى القصر ده .. 

مكذبش عليك كنت خايف جدا خصوصا لما ظهرلى الشيطان اللى ظهرلنا ده .. 

عرض عليا عرضين ..

 اما انه يموتنى او اما انى اعيش بس اعيش ملك .. 

تبقى المدينة دى بتاعتى .. 

ترجع احسن من الاول وابقى انا الحاكم وهيبقى معايا حاجات كتير وصفات كتير مكنتش اعرفها .. 

فلوس واحسن اكل وكل حاجه ..

 يعنى هبقى زى الساحر واكتر

بصراحه مكنش قدامى اى اختيار غير انى اوافق او اموت ..

 وافقت طبعآ .. 

هو مين فينا نفسه يموت بس طلب منى دم 3 من اصدقائى ......

علشان يقبلنى وعلشان اثبت ولائى ليه وانى استحق اللى هبقى فيه ده 

فكرت كتير جدا بعد ما مشيت اعمل ايه !!

وبدأت انفذ الخطه اللى رتبتها بدماغى

الدكتور عمر مش هو اللى شرح المحاضره والهمنا نيجى هنا ..

 ده كان شيطان 

ولما هربنا من هنا ..

 مش الدكتور عمر هو اللى جالنا فى الصحرا والمدينه دى مش بتاع ابوه .. 

هو اصلا ميعرفش اننا هنا ولا حد يعرف بوجودنا اصلا هنا حتى اللى كانوا معانا فى الطياره دول مش اصحابنا

انا اللى رتبت كل حاج

وانا اللى رتبت موت فريده فى اول مرحله .. 

وتانى مرخله كانت بموت محمود .. 

وتالت مرحله هتبقى بموتك انت يا عبده .. 

وبكره عيد ظهور الشيطان فى المدينه وهيتم تتويجى بكره بعد ما اقتلك وادفنك .....

مد احمد ايده علشان يخرج الخنجر ويقتل عبده

فضل عبده يضحك بصوت عالى وقاله

عبده : طبعا مش لاقى الخنجر ههههههههه معلش اصل انا اخدته منك من غير ما تحس واحنا جوه القصر 

انا بقى اللى عاوز اقولك ان انا كنت عارف كل حاجه 

من اول يوم جينا هنا لقيت كتاب فى مكتبة الساحر بالصدفه وقريت فيه ان اللى هيحكم المدينه دى بعد الخادم لازم يبين خضوعه بدم 3 من اصدقائه 

ومن اول موت فريده وانا فهمت كل حاجه بس من ضمن اللى كان مكتوب ان اللى هيعيش للأخر هو اللى هيستحق انه يكون من خدام الشيطان وهو اللى هيحكم المدينه دى ..

 وقررت ان الشخص ده يكون انا 

وفى لحظه اخد عبده طوبه كبيره من الارض وخبطها فى دماغ احمد فقد الوعى (اغمى عليه) 

بعدها بشويه عبده فوق احمد .. 

بص احمد وهو بيحاول يفوق ويشوف اللى بيحصل لقى رجليه كل رجل مربوطه فى عمود حديد واديه مربوطه فى جرار كبير ..

 فضل يصرخ بس من قوة الضربه صوته مكنش طالع .. عيونه بكت بدل الدموع دم من الخوف .. 

بصله عبده وهو بيضحك وركب الجرار ودور ومش بالجرار جامد لغاية ما لحم احمد اتقطع من بعض 

نزل فك احمد وشاله ودفنه علشان يبقى تالت قبر يتملى وتالت دم ينزل القبر .....

بس المره دى القبرين اتهزوا واختفوا هما الاتنين

- خرج عبده الكيس من جيبه اللى كان فى بطن فريده ......

وفتحه وكانت فيه ورقه واحده مش 3

كان مكتوب فيها

 (سيتم تتويجك غدآ فى عيد ظهور الشيطان)

#النهاااااااااااااايه

 

  انتظروني في قصة جديدة  ...........

ومتنسوش لو عجبتكم القصة تعملو شير لصحابكم ادعمونا 🥺💔⁦✌️⁩

#اكتب______________تعليق........

#واعمل_____________مشاركه_للقصه...............

ياريت تدعمنى بمتابعة 

#أسماء كمال