قصص رعب مكتوبة #اهل الهاوية الجزء الاول

#اصـــانــــــعة__الـــرعـــــــب

#الارشيف

#قصه :  أهل الهاوية 

تأليف : 

( #اتمنى_______لكم______قراءه______ممتعه )

  

الجزء الاول :D

----------------------------

ليتنى استطيع العوده بالزمن للوراء لكى اقطع يدى التى فتحت هذا الصندوق الملعون 

الذى يحتوى على عدد من الاوراق الالعن كنت اتمنى ان يكون الفضول رجلا لكى اقتله ولكننا بشر ولا احد بيننا معصوم من الخطئ

انا بكتب رسالتى دى وانا مش خايف لأن الصدمه الى اتعرضتلها وقفت قدام الخوف 

انا طارق 26 سنه 

الحكايه بدأت منين .....

 الحكايه بدأت من ساعة وفاة امى

 بقيت يتيم الاب والام حزنت عليها حزن شديد جدا 

والام مش بتتعوض وده شئ الكل متفق عليه لكن على الجانب الاخر كانت زوجتى داليا بتخفف عنى

 فراقها كانت بتحاول بكل الطرق انها تنسينى 

والحمدلله انا راضى بقضاء ربنا بعد موت امى بمده البيت بتعنا كان عليه ضرايب وللأسف الضرايب كانت كتير جدا ولأنى معرفتش ادفع البيت اتحجز عليه وهنا خدت الصدمه التانيه طيب اروح فين 

انا ومراتى اقعد فى الشارع ولا اروح فين فضلت مهموم لحد ما ربنا حلها من عنده عمتى سلوى قررت انها تقعدنى فى بيتها القديم الى هوا ملك لجوزها عاصم الى اتوفى البيت ده كان ثلاث ادوار 

عمتى قالتلى يا طارق اقعد فى البيت ده خد الشقه بتعتى والدور الاول افتح العياده بتعتك وولدتك كانت سيبه معايه مبلغ ليك فى البنك اه بالمناسبه انا طبيب اسنان بس لسه فى اول الطريق 

قالتلى اما بالنسبه للدور التانى فا الدور ده ساكن فيه راجل كبير اسمه مينا ومراته والناس دول ناس طيبين جدا معندهمش عيال ولا حاجه عيشين لوحدهم ومتسمعلهمش صوت ومعاهم بس الكلب بتعهم الى مربيينه....

 قولتلها والله يا عمتى مش عارف اشكرك ازاى انت بجد فى مقام امى الله يرحمها قالتلى الله يرحمها يابنى قالتلى بس فى المقابل هطلب منك حاجه ...... 

انا بينى وبنكم توقعت انها هتطلب منى اجرة الشقتيين لكن لا طلبت منى طلبيين اغرب من بعض تقدرو تقولو الطلب الاول عادى....

 انما التانى مش متوقع الطلب الاول انها هتسيب فرح معانه وفرح دى بنت عندها 10 سنوات

 عمتى اتبنتها من دار ايتام بعد موت جوزها وفرح عندها مشكله انها مبتتكلمش بيقولو بسبب عقده فقدة النطق عمتى قالتلى خليها عندكم

 لحد ما ارجع من العمره قولتلها ماشى يا عمتى دى فرح طبعا تنور فى عنينا قالتلى اما الطلب التانى اننا منفتحش اول اوضه فى الشقه تقبلنا على الشمال قالتلى الاوضه دى انا قفلاها

 اوعى تفتحها الا لمه ارجع قولتلها ايوه ياعمتى ماشى بس ليه قالتلى لو رجعت هتعرف قولتلها لو !!!

 قالتلى ان شاء الله يعنى لمه ارجع قولتلها اه طيب 

قالتلى استنى الاوضه الى تحت خالص الى اول ما تخش مدخل البيت برضه متتفتحش

 قولتلها تمام يا عمتى

 قالتلى اتمنى اشوفك بخير يا طارق وتحقك كل احلامك

 قولتلها يارب ياعمتى 

قالتلى ادعيلى يا طارق..

 قولتلها يا عمتى انتى مفروض ريحه بيت ربنا انتى الى تدعيلى ... 

نظرات عمتى ليه كانت غريبه جدا فيها خوف او حزن مش عارف قالتلى هدعيلك بس انت مسمحنى قولتلها على ايه يا عمتى قالتلى على اى حاجه قولتلها 

مسامحك طبعا عمتى حضنتنى وقالتلى خلى بالك من نفسك ومن مراتك ومن فرح 

قولتلها كلهم فى عينى قالتلى تسلم يابنى عمتى ادتنى مفتاح الشقه وحضنت فرح وقالتلى روح البيت الطياره بكره ..... 

روحت البيت بتاع عمتى فتحت الباب عادى جدا دخلت لقيت فرح بتبعد وماسكه فيه وباصه للباب الى على ناحية الشمال 

الى عمتى حذرتنى انى افتحه الا لمه تيجى فضلت تترعش وتخبى وشها قولتلها فرح مالك ياحببتى قالتلى بالغة الاشاره انها خايفه قولتلها من ايه قالت من الى واقف ورا الباب قولتلها يا حببتى مفيش حد ورا الباب احنا بس الى هنا قالتلى لا فى حد واقف ورا الباب داليا قالتلى طيب افتحلها الباب ووريها ان مفيش حد ....

 انا افتكرت وصية عمتى متفتحش الباب الا لمه ارجع قولتلها لا فرح شاطره ومش هتخاف صح يا فرح بس البنت كان على وشها علامات خوف غريبه من الاوضه دى قولتلها تعالى دلوئتى ننام

 ونستريح وبكره نشوف فى ايه جوه دخلت ونورت الشقه الشقه كانت واسعه دخلت قعدت فى البلكونه شويه كان جنب البلكونه شباك مقفول وده الشباك بتاع الاوضه الى ممنوع انى افتحها 

شفت خيال حد عدى من جوه استغربت جدا وبدأت افكر فى السبب الى يخلى عمتى متسمحليش انى افتح الاوضه دى قفلت البلكونه ودخلت انام

 كنت تعبان جدا ونمت نوم عميق بس النوم العميق ده مستمرش لأن فرح كانت عماله تصحينى وتزقنى بصتلها قولتلها مالك يا حببتى شورتلى على الركن

 ايوه الركن بتاع الاوضه لقيت حاجه وقفه لازقه فى الركن انا اتفزعت فتحت النور لقيته الجاكيت بتاع داليا قولتلها يا حببتى ده الجاكيت متخفيش 

قالتلى لا كان فى واحد واقف بيبص عليه وبيبص عليها انا بدأت يكون فى نوع من انواع القلق جبت فرح خليتها تنام جنبى ومتنمش فى الاوضه بتعتها 

لحد ما تاخد على الموضوع رجعت تانى للنوم وعينى على وشك انها تروح فى النوم خلاص لكن محصلش نصيب لأن فى شئ تانى دفعنى ان عينى تتفتح 

وتتفتح اوى كمان انا مدى ضهرى لفرح بس سمعت صوت بيقول افتحلى الباب يا ابن ادم بس الصوت صوت راجل نايم ورايه انا قلبى تقريبا كان هيخرج من مكانه بصيت ورايا لقيت داليا وفرح نايمين انا اعصابى سابت فى اللحظه دى وبحاول اقنع نفسى ان الى 

حصل ده تهيؤات لكن وانا بحاول اقنع نفسى سمعت صوت حاجه بتنبش على الحيطه صوت جى من بره قمت من على السرير براحه وخرجت بره لقيت الاوضه الى على الشمال فى بلاطه تحت الباب مكسوره انا 

متأكد بئه ان مكنش فى بلاط مكسور اول ما دخلت البيت قولت لنفسى يمكن فار بس فار ايه الى هيكسر بلاط... 

كنت بحاول اقنع نفسى بكل الطرق ان الى بيحصلى تهيؤات او اسباب تانى بس فى نفس الوقت جوايا احساس ان فى حاجه غريبه فى الشقه دخلت نمت وفى اليوم التانى صحيت على صوت باب الشقه 

بيخبط فتحت الباب لقيت راجل عجوز وجنبه كلب ومعاه صنيه فيها شوية حلاويات قولتله ايوه مين حضرتك قالى انا مينا قولتله اه ازيك يا عم مينا عمتى 

حكتلى عنك ازيك ياراجل يا طيب قالى انا كويس اقبل منى بئه الهديه دى معلشى مش قد المقام بس ده 

ترحيب قولتله تعبت نفسك بداء الكلب بتاعه يطلع منه صوت غريب وهوا باصص فى اتجاه الاوضه وبداء عويل الكلب ده يذيد وكان الكلب عمال يرجع لورا مينا امر الكلب انه ينزل ويرجع البيت لكن الكلب مستمر 

مينا بص بصه للكلب انا نفسى خفت الكلب سكت ونزل مينا بصلى وهوا لسه النظره المخيفه فى عينه قرب منى ووشوشنى وقالى امشى قبل ما تموت هنا امشى 

قبل ما تموتنا كلنا هنا امشى قبل ما مراتك وبنتك يموتو هنا قولتله انت بتقول ايه مينا بص ورايا وعينه برقت اوى قولتله فى ايه العكاز وقع من ايده وفضل

 يقول بأسم الصليب بأسم الصليب بصيت ورايا لقيت فرح مينا وقع على الارض وقال ربنا يرحمنا منك ربنا يرحمنا منك قولتله انت بتكلم مين مينا فضل يزحف على الارض وهوا بيقول ربنا يرحمنا منك ونزل فرح 

فضلت تعيط قولتلها متخافيش يا حببتى متخفيش تعالى تعالى هصحى طنط داليا ونفطر كلنا ونتفرج على التلفزيون فتحت التلاجه علشان اجيب منها اكل وهنا 

كانت الصدمه الاكل بايظ وكله دود قولت لا اله الا الله هوا ايه الى بيحصل ده ايه الى بيحصل داليا صحيت قالتلى فى ايه قولتلها هوا انتى فصله التلاجه قالتلى لا 

والله التلاجه شغاله يا طارق اهدى قولتلها ما هى دى المشكله التلاجه شغاله قالتلى هدى نفسك انا هرمى الاكل قولتلها ارميه وانا هنزل اجيب حاجه نكولها من تحت نزلت اجيب فطار ..... 

جبت فطار وطلعت وهنا بئه كانت البدايه لقيت باب الاوضه مفتوح انا اتعصبت جامد ودخلت لقيت داليا 

وقفه قولتلها انا مش قولتلك متخوشيش هنا انتى مش بتفهمى انتى ايه حكيتك بالظبط مش بتسمعى الكلام 

ليه كل ده وانا بتكلم وهى مش مركزه معايه بصه فى حته تانيه باصه قولتلها انتى مش بتبصيلى ليه 

شاورتلى بأديها بصيت لقيت صوره صورة عاصم وفى ايده ورق وجنبه شخص لابس اسود وعلى وشه 

رسومات زى الرسومات بتاعة الهنود الحمر ألوان احمر وابيض رسومات غريبه وفى ايده قطه مدبوحه قولتلها ايه ده

قالتلى مش عارفه انا الموضوع بداء يشدنى كان فى صور كتير مرميه فى الارض صور من دى كتير صور 

فيها رسومات على الارض ودواير وجوه الدواير نجوم ومثلثات وفى كفوف من الدم على الارض وعلى 

الحوائط وتعتبر كل الصور للراجل ده وعاصم وحيوانات ميته قولتلها هوا فى ايه انا مش فاهم 

حاجه قالتلى ولا انا قولتلها هوا علشان كده عمتى مكنتش عيزانى افتح الاوضه دى قالتلى ايه الصندوق 

ده قولتلها ثوانى هشوف فتحت الصندوق لقيت ورق وشريط مسكت الورق ولقيت مكتوب فى اول ورقه 

بوابة قوم الهاويه قولتلها مين قوم الهاويه قالتلى متسألنيش لأنى مش عارفه اى حاجه وابتديت اخاف 

يا طارق قولتلها استنى قلبت الورقه التانيه لقيت مكتوب فيها انا عاصم عبد الواهاب فوده اعترف انى دخلت الى عالمهم الغريب دخلت عالمهم عبر حلم 

ذهبت فى نوم عميق ودخلت عبر فجوه كبيره مظلمه تؤدى الى ألاف الاميال الى الاسفل حيث درجة الحراره 

المرتفعه وكلما نزلت الى اسفل تزداد النار والصخور واصوات الصرخات كنت اسمع اصوات اوناس تعذب 

منهم الاطفال والنساء والرجال وكبار السن سمع اصواتهم ولكن لا اراهم كل ما اراه صخور ملتهبه بالنار 

صخور سوداء يخرج منها اشياء كالثعابين ظللت انزل فى هذه الفجوه حتى وصلت للقاع الذى كنت اسمع فيه 

صدى صوت مفزع يقول كم من ابن ادم أذيتم كم من عائله فرقتم كم من شخصا جعلتوه يقتل كم من 

زوجان فرقتم ...

 كنت اسمع اجابات فى صوت واحد اصوات مفزعه لو سمعها بشر لشاب شعره من شدة الصوت عندما نظرت بعيدا وجدت بوابه كبيره وقد كانت هذه الاصوات تخرج منها .....

داليا قالتلى طارق اسمع قولتلها ايه خلينى اكمل قالتلى طارق اسمع بقولك قولتلها فى ايه بدأت اسمع صوت 

الكراسى بتتحرك قولتلها خليكى هنا خرجت بالراحه لقيت اماكن الكراسى متغيره الكراسى فى وسط الصاله 

دخلت الاوضه تانى وكأن الورق ده فى سحر بيجزبنى ليه قالتلى فى ايه قولتلها مفيش مفيش ورجعت اقراء 

كانت الاصوات تخرج منها والضباب يحاوطها من الداخل ونور يخرج منها كنور الشمس خلف السحاب 

والرائحه التى تخرج منها كرائحة الكلب الميت الذى تنفجر بطنه وتخرج منها الدود وعندما اقتربت كانت 

الارضيه عباره عن عظام سوداء كنت أراهم خلف الضباب كانت احجامهم طويله اجسامهم ضخمه وصورتهم كانت تتلاشى 

داليا قالتلى كفايه بئه يا طارق فى صوت حد بيجرى بره سمعت لقيت فعلا كأن حد بيجرى بره مع ان انا 

وفرح و داليا فى الاوضه داليا قالتلى ابوس ايدك كفايه ويالا نخرج من هنا بئه قولتلها هنخرج بس لمه اسمع 

الشريط بوصى فى تسجيل هناك اهو الى حط الشريط عامل حسابه وحاطط شريط شغلت الشريط بس 

مسمعتش حاجه فى الاول لكن بدأت اسمع بئه تقريبا عاصم الى بيتكلم وبيقول اقسمت عليكي يا عاينة يا 

بنت إبليس بحق الاسم الذي نزل على الصخرة ففتتها 

و على الليل فأظلم و على النهار فأضاء وقال كلام كده كلام غير مفهوم ثم اجيبيني ايتها الملكة عاينة \ ..... 

  انتظروني الجزء التاني  ...........

ومتنسوش لو عجبتكم القصة تعملو شير لصحابكم ادعمونا 🥺💔⁦✌️⁩

#اكتب______________تعليق........

#واعمل_____________مشاركه_للقصه...............

ياريت تدعمنى بمتابعة 

#أسماء كمال