فصص رعب مكتوبة #مدينة الاشباح الجزء الثامن

#اصـــانــــــعة__الـــرعـــــــب

#الارشيف

#قصه :  مدينة الاشباح

تأليف : 

( #اتمنى_______لكم______قراءه______ممتعه )

  

نكمل الجزء_التامن ......

صلو علي النبي 💙

فتحوا الخيمه لقيوا الدكتور عمر ....

الدكتور عمر : انا عارف كل احاسيسكوا دلوقتى .. عارف كل اسألتكوا من غير ما تسألونى .. 

انا كمان عارف بتفكروا فى ايه كويس

احمد : يعنى انت عارف ان هيحصلنا كده !؟

الدكتور عمر : وعارف كمان اللى هيحصلكوا بعد ما امشى

عبده : مفيش مشيان من هنا غير مع بعض

الدكتور عمر : خلونى اقولكوا ان انتوا مش هتخرجوا من هنا ..

 غير لو فكيتوا كل الخيوط او هتخرجوا اموات .. شهداء العلم 

محمود : يعنى انت بعتنا هنا علشان نموت .. 

طب حلو خالص ..

 هتستفاد ايه بقى يا دكتور يا عظيم

الدكتور عمر : هستفادى اييييييه !! 

اممممممم 

خلينى اقولكوا ان انا ابويا يبقى الجنى الأشقر زى ما الناس كانوا بيقولوا عليه .. 

الخيوط دى لو اتفكت المدينه دى هترجعلى .. 

هيبقى كل شئ ملكى حتى الشبح اللى بيظهر فوق القصر مش هيبقاله وجود

احمد : طيب ماهو كده كل الخير اللى كان فيها هيروح ومش هتلاقيها زى فى عصر ابوك يا دكتور

الدكتور عمر : هنا بقى هيجى دورى انا .. 

ودلوقتى انتوا هترجعوا على المدينه حالآ الصبح هتبدأوا كل واحد فيكوا هيفك خيط

الخيوط عباره عن غرف تحت الأرض هما 4 غرف كل واحد وظيفته انه يدور على غرفه ويفضل جواها هيلاقى كتاب هيحضر بيه روح ..

 الروح دى هتقوله على حاجات يعملها ..

 لو نجحتوا كلكوا .. 

الخيوط هتتفك ..

 ولو واحد فشل كلكوا هتموتوا .. 

ولو فكرتوا تهربوا بردوا هتموتوا

عبده : والغرف دى فين

الدكتور عمر : المستشفى ..

 جنينة القصر والقصر والأسطبل .. 

دول اماكن الغرف ..

 هتدوروا كويس لغية ما تلاقوهم

مشى شوية الدكتور عمر واختفى فى الصحراء عدت الثوانى على الطلاب اكتر من السنين ..

 فى عنيهم نظرة انكسار دخلوا الخيمه علشان يلموا حاجتهم ويرجعوا المدينه .. 

اخدوا حاجتهم وركبوا الأحصنه وجريوا بيها فى الصحراء راجعين لمدينة الأشباح 

وصلوا وكان الصبح ابتدى يطلع والشمس بتستعد تنور الدنيا والطلاب بيستعدوا لمصيرهم الأسود

احمد : انا عارف ان اللى مطلوب مننا مش سهل وعارف ان احنا بنسبه كبيره ممكن نموت بس عندى امل اننا نشوف بعض تانى ..

 احنا عرفنا الاماكن ..

 عبده انت وفريده هتبقوا واحد فى الجنينه وواحد فى القصر .. 

عبده

عبده : نعم !!

احمد : خلى بالك من فريده بقدر الأمكان انا اخترت تبقوا جمب بعض علشان لو قدرتوا تساعدوا بعض 

همس فى ودن عبده*

 عارف انك بتحبها ... 

ومحمود هيبقى فى الأسطبل وانا فى المستشفى

فريده : منه لله الدكتور عمر .. انا خايفه اوى 

محمود : فريده فريده بوصى انا عارف انك خايفه بس بتثقى فيا ولا لا ؟؟

فريده : بثق فيكوا كلكوا 

محمود : يا فريده .. 

احنا كلنا فى نفس المأذق بس اتأكدى ان كلنا هنخرج من هنا مفيناش خدش

فريده : يا رب يا محمود يا رب

شاورلهم احمد علشان يسكتوا ويسمعوا ..

 الكل سكت كانوا سامعين صوت همس ورا القصر مشيوا بهدوء لغاية ما لقيوا مصدر الصوت .....

 كان شوال قماش لونه بنى فيه صوت مكتوم وحد عمال يتحرك جواه 

؛ بصوا لبعض بأستغراب ومحمود راح عند الشوال ده بهدوء وخبطه بالرجل لقيه طرى

محمود : اللى جوا الشوال ده انسان مش حيوان افتح ؟؟

فريده : افتح بسرعه

فتح محمود الشوال بهدوء وخرج اللى جواه ....

 كانت بنت ومربوط فى رقبتها صندوق معدن صغير .. 

مد ايده محمود ورجع شعرها لوره علشان يشوفوا ملامحها لقيوها فريده وبقها مربوط بقماشه ..

 بصوا جمبهم لقيوا فريده واقفه .. 

اصبح فى 2 فريده شبه بعض بالمللى جرى عبده وعاوز يفكها زقه احمد وقعه فى الأرض

احمد : انت مجنون ؟؟

عبده : فريده

احمد : ماهو فريده اهى قدامك ومعانا من اول الرحله

بيبصوا على فريده لقيوها عماله تعيط .....

قام عبده يهديها وراح احمد لفريده اللى متكتفه شد منها الصندوق الى كان مربوط فى رقبتها .....

 فتحه .....

 لقى ورقه مكتوب فيها (يوجد اضحيه)

اخد الورقه بهدوء واداها لعبده واخد محمود وخرجوا بره القصر راح احمد المستشفى ومحمود الأسطبل

*فى الأسطبل*

دخل محمود الأسطبل ......

مفيهوش اى حاجه تدل على وجود اوضه تحت الأرض هو سور خشب وشوية احصنه واوضه صغيره شبه الكوخ 

فكر يدخل الكوخ ده دخل لقى جثه متعفنه قاعده على كرسى وايد الجثه مسنود على دراع خشب كأنه دراع لماكينه ما .....

 حاش ايد الجثه وشد الدراع لقى الجثه اللى هى عباره عن هيكل عضم بصتله وقام باب اتفتح تحت رجله ووقع فيه

*فى المستشفى*

كان احمد داخل المستشفى وعارف كويس هو رايح فين مش مستنى يدور ..

 دخل الأوضه اللى كان فيها الجثه المشنوقه ومتعفنه ومليانه دم .. 

رغم كل الهمس والصريخ اللى فى باقى الأوض لكن احمد كان ميقن من ان هى دى الأوضه اللى عاوزها .. 

فتح الأوضه ودخل وقف قدام الجثه حوالى نص دقيقه وبيتلفت فى الاوضه لغاية ما عينة وقعت على الحبل اللى متعلقه منه الجثه وكان الحبل مش مربوط فى السقف لا ده كان خارج اصلا من السقف ..

 حضن احمد الجثه وشدها جامده مره واحده لتحت باب فى الحيطه اتفتح والجثه اتدغدغت فى ايده رماها من ايده ودخل فى الباب اللى اتفتح ف الحيطه

*فى القصر*

عبده : بصى يا فريده انتى ادخلى القصر وانا تقريبا عارف هعمل ايه ..

 ومتخافيش من حاجه

فريده : طيب واللى شبهى دى !!

عبده : هنسيبعا كده لغاية ما نفهم اى حاجه

دخلت فريده القصر وراح عبده على جنينة القصر

*فى الجنينه*

كان عبده عنده يقين ان هو هيدخل الغرفه من المقابر ﻷن مفيش اى حاجه تانى فى الجنينه غير ازهار ..

 راح عبده ووقف قدام المقابر اللى ورهالهم الساحر قبل كده وبعدين فتح القبر بتاعه .. 

كان عليه رخامه تقيله زاحها .. 

وبص لقى سلم تنزله تحت الأرض ..

 حط رجله على اول درجه ..

 وفجأه سمع صوت صرخة فريده من القصر

جرى عليها بسرعه وفتح باب القصر لقيها .......

 

  انتظروني الجزء التاسع ...........

ومتنسوش لو عجبتكم القصة تعملو شير لصحابكم ادعمونا 🥺💔⁦✌️⁩

#اكتب______________تعليق........

#واعمل_____________مشاركه_للقصه...............

ياريت تدعمنى بمتابعة 

#أسماء كمال