قصص رعب مكتوبة #أهل الهاوية الجزء الثاني

#اصـــانــــــعة__الـــرعـــــــب

#الارشيف

#قصه :  أهل الهاوية 

تأليف : 

( #اتمنى_______لكم______قراءه______ممتعه )

  

نكمل الجزء التاني ....

عاصم كان بيتكلم وفى صوت بيردد وراه صوت ايوه 

انا سمعت الصوت ده الصوت ده الى اتكلم ورايا وانا نايم ايوه هوا داليا قالتلى يا طارق بئه يالا وسمعت 

مره واحده صرخه فى التسجيل وعاصم بيقول ابعدى عنى ابعدى عنى انا من شدة الصرخه الى فى التسجيل

 قعدت مكانى وفرح فضلت تعيط داليا قالتلى اقفل الزفت ده بئه قفلت التسجيل وقولتلهم محدش يخش 

هنا تانى ورجعت كل حاجه زى ما كانت وقفلت الباب 

انا خلاص عرفت الى كنت عايز اعرفه عرفت ان عاصم 

جوز عمتى كان تقريبا دجال ودخل عالم مينفعش انه يخشه بس انا فى حجات كتير فى دماغى الكلام ده 

صحيح ولا لا وهل الى بشوفه فى الشقه ده حقيقى الله أعلم قررت انى افتح صفحه جديده انا من تانى 

يوم هسحب الفلوس من البنك واعمل العياده بئه وفعلا نزلت تانى يوم واتفقت مع عمال وجت العمال واشتغله

 وانا واقف مع العمال لقيت حد بيقولى عرفت السر يا طارق بصيت ورايا لقيت مينا قولتله انت عايز منى ايه

 قالى عرفت السر خلاص يبقى السر هيندفن معاك يا طارق لأنك هتموت العمال بدأه يبصو لبعض قولتله 

تعالى خدته على جنب وقولتله ايه الحكايه يا عم مينا قالى انا مش قولتلك تمشى من البيت قولتله ليه بئه 

 لأنه مسكون قولتله ولمه هوا مسكون انت قاعد فيه ليه قالى بص الى ساكنينه كانو بالبلدى كده بيرقبوك 

بس وسيبينك لكن بعد ما عرفت سرهم مش هيسبوك قولتله وهوا ايه السر قالى معرفش انت الى تعرف 

ومتحولش تقولى ايه هوا السر لأنى هموت معاك كل الى ودنه بتسمع السر ده بيموت هما هيتقلبه عليك يا 

طارق قولتله يتقلبه عليه ليه بس منا رجعت كل حاجه مكانها قولتله ثم قولى انت عرفت منين قالى بص على

 السقف بتاع الشقه هتلاقيه مشقوق من عند الاركان كده هما فى حالة غضب شديد قولتله وايه الحل 

قالى استنى موتك قولتله انت تعرف ايه عن عاصم قالى كنت اعرف انه دجال وكان بيحاول يوصل للعالم 

التانى وهجبلك الموضوع من الاخر عاصم كان معاه راجل تانى اسمه سعفان ... 

سعفان ده هوا الى دخل عاصم العالم ده وخلاه يشوف بوابة قوم الهاويه .......

قولتله ايه ده مانت عارف كل حاجه اهو قالى منا كنت ثالثهم قولتله ثالثهم قالى اه انا حذرته لكن مسمعش الكلام 

هوا الوحيد الى عرف السر لا ياربى مش هوا الوحيد سنى الكبير نسانى ان عمتك كمان تعرف السر وقرأت 

الورق قولتله عمتى سافرت قالى أه سفرت طيب ربنا يرجعها بالسلامه قولتله هوا فى خطر عليها...

 قالى هوا انت مخدتش بالك من كلامى ولا ايه كل الى ودنه سمعت السر هيموت قولتله أه طيب والحل دلوئتى قالى مفيش حل غير اننا ندور على سعفان 

سعفان ده عارف كل حاجه قولتله اه طيب بعدين قالى خد بالك كل ما الوقت بيعدى عمرك بيقل قولتله تمام مر اسبوع وانتهيت من تشطيب العياده وفى خلال 

الاسبوع ده محصلش اى حاجه غريبه فى البيت وبدأت اتأكد ان الموضوع عادى جدا يمكن عم مينا بيبالغ 

شويه بدأت ادور على حد يشتغل سكرتير لحد ما لقيت وحده جاتلى اسمها ياسمين طلبت انها تشتغل فى 

العياده الدنيا كانت ماشيه معايه كويسه لحد ما جه يوم نزلت علشان اشترى ادوات للشغل ياسمين اتصلت بيه قالتلى انا هقفل العياده الوقت اتأخر قولتلها ماشى

 ومتنسيش بكره تجيلى بدرى قالتلى ماشى وقفلت رجعت البيت بس قبل ما اطلع لقيت شيخ واقف عمال

 يبص على البيت قولتله حضرتك عايز حاجه بصلى وابتسم وقالى لا يابنى مش عايز عايز سلامتك ....

وقالى السلام عليكم ومشى طالعت على السلم لقيت الشباك بتاع المطبخ الى فى العياده والع قولت ايه ده 

هى نسيت تقفله فتحت الباب ودخلت لكن لقيت ياسمين واقفه عند البتجاز وقدمها حله فيها زيت 

والزيت بيغلى على النار لدرجة ان الزيت اتحرق خلاص بس ياسمين مش باصه ناحية الزيت بصه فى ناحيه

تانى قولتلها ياسمين الزيت بتعملى ايه يابنتى الزيت بيولع ياسمين انتى سمعانى قربت منها مسكت اديها 

لقتها بكل قوتها زقتنى زقه خرجتنى بره المطبخ وقالت بصوت خشن انا باكل النار وفجأه رفعت حلة الزيت

 وفتحت بؤها وشربت الزيت المغلى وقعت فى الارض وبؤها بقى ينزل نفورة دم وطالع من بؤها دخان وأخر حاجه عملتها عنيها جت نحيتى انا اطرافى كلها تقريبا

 اتشلت وقعت فى الارض وكل الى عليه 

بقول لاااااااا

 بصوت عالى مينا فتح الباب ودخل حتى هوا بقى مصدوم من المنظر ومفيش على لسانه الا ابعدهم عنا 

ابعدهم عنا ابعدهم عنا انا كأن عينى وقفت على جثت ياسمين مش عارف حتى اغمضها وشايف دخان بيطلع

 من بؤها الزمن وقف بيه عند اللحظه دى صدمه عمرها ما هتتمحى من ذاكرتى لسان ياسمين ساح من شدة 

السخنيه قعدت فى السرير يومين مش باكل 

استجوابات من الشرطه وضغط كبير عليه كنت اتمنى فى لحظة الحادث الارض تتشق وتبلعنى داليا كانت 

قعده جنبى وقالتلى انا من ساعة ما فتحنا الاوضه دى وانا حاسه بشئ غريب قولتلها ياريت متجبيش سيرة 

الاوضه دى قالتلى ماشى قمت من على السرير نزلت لمينا خبط عليه فتحلى قولتله يالا البس هدومك 

هنروح عند سعفان هوا فين قالى فى حارة اليهود قولتله يالا نروح لبس هدومه ونزلنا قولتله بقولك ايه 

يا عم مينا انت مش قولتلى ان الى سمع السر بس هوا الى هيموت اومال ياسمين ماتت ليه قالى مش عارف

 بس واضح ان اللعنه هتيجى على الى فى البيت كله لمه نوصل لسعفان هنعرف.......

يلا بقا لايك وكومنت والاهم من ده كله تعمل شير :)

 

 

  انتظروني الجزء الثالث  ...........

ومتنسوش لو عجبتكم القصة تعملو شير لصحابكم ادعمونا 🥺💔⁦✌️⁩

#اكتب______________تعليق........

#واعمل_____________مشاركه_للقصه...............

ياريت تدعمنى بمتابعة 

#أسماء كمال