قصص رعب مكتوبة خزابيل الجزء الاول

#صـــانــــــعة__الـــرعـــــــب

#الارشيف

#قصه :  خ__ازبيل 

تأليف : 

( #اتمنى_______لكم______قراءه______ممتعه )

  

احب اعرفكم بنفسى اسمى خديجه 32 سنه متجوزه من 8 سنين جوزى اسمه عادل وعندى بنتين روجينا 7 سنين وريتاج 5 سنين حياتى كانت طبيعيه جدا كنت سعيده مع جوزى واولادى ....

بس كل حياتى اتغيرت من سنه تقريبا وقت دخول خازبيل حياتى وحولها لجحيم.......

تعالو نرجع مع بعد سنه فاتت عشان تعرفوا الحكايه من الاول......

بدئت الحكايه لما امى توفيت قلبى اتكسر من الحزن عليها كنت بفضل طول الليل ابكى من الحزن على فراق امى ..

فى الوقت اللى كنت ببكى فيه كنت بحس ان فى ايد بطبطب عليا اكن حد بيوسينى كنت بفتكر انه روح امى او انا بيتهيائلى ..

ومرت الايام وفات شهرين على وفات امى الحزن لسه موجود بس الحياه استمرت.....

دلوقتى هقولكم على اقوى لحظات الرعب اللى عيشتها عشان كانت اول موقف اشوفه فى حياتى بدئت فى يوم عادل كان شغال بليل و وروجينا وريتاج نايمين فى الاوضه بتاعتهم 

وانا كنت نايمه لوحدى فى اوضة نومى فى البدايه كنت حاسه ان درجة حرارة الاوضه عاليه جدا ووقت لما فردت جسمى على السرير للنوم بدئت احس بنفس قريب منى بدئت اقرء المعوذتين عشان اعرف انام كنت بحاول ما اخوفش نفسى وبالفعل قدرت انام ........

وصحيت من نومى مفزوعه على ايد بتلمس جسمى بفتح عينى وكنت فاكره كابوس لكنى فوقت على حقيقه مرعبه شوفت واحد جمبى على السرير اسود اللون وشه من غير ملامح وعنيه كانت لون الدم مع اول صرخاتى اختفى هذا الشخص وخرجت من الاوضه جرى وانا بصرخ لقيت اولادى قامو من النوم مفزوعين خدهم بصرحه وانا فى قمة الرعب وخرجت بره الشقه واتصلت بـــ عادل وانا منهاره تماما وقولتله الحقنى وانا بصرخ ......

طبعا عادل ساب الشغل وبسرعه كان موجود وشافنى انا والاولاد قاعدين قصاد باب الشقه...

فتح الباب بسرعه ودخل وشغل القران وبدئت انا ادخل الشقه وانا مرعوبه بس اللى كان مطمنى ان عادل موجود معايا .....

وبعد لما قدرنا نهدى الاولاد ويناموا بدئت اتكلم مع عادل.........

قولتله والله العظيم شوفت حد جمبى على السرير كنت حاسه بنفسه قريب منى وصحيت على ايده وهى بتلمس جسمى وشفته لونه كان اسود وشه ما فيهوش ملامح غير عنيه اللى لون الدم صدقنى يا عادل والله العظيم شوفته..........

عادل كان بيحاول يهدينى ويقنعنى انه كابوس وخدنى ودخلنا اتوضينا وصلينا ركعتين لله وفضلنا نقراء القران لحد اذان الفجر وبعد لما صلينا الفجر حان وقت النوم بس انا كنت خايفه انام وصوت القران كان مطمنى وقدرت انام .......

صحيت تانى يوم بس كنت حاسه ان كل اللى حصل امبارح كان كابوس ومش حقيقى وبدئت انسى مع الوقت ...........

وفات شهر وانا فى حياه مستقره لحد اليوم المشؤم كانت الساعه تقريبا 1 بعد منتصف اليل كنت قاعده انا وعادل بنتفرج على فيلم وكنا مبسوطين قومت ادخل المطبخ احضر حاجه نشربها وبفتح نور المطبخ شوفت نفس المخلوق انا مش فاكره غير انى فضلت اصرخ اصرخ اصرخ.......

فوقت لقيت نفسى على السرير وعادل بيحاول يطمنى عشان يفهم ايه اللى حصل وهو دخل المطبخ على صوت صرختى لقانى واقعه على الارض فقده الوعى شالنى ونايمنى على السرير وبدء يفوقنى .......

انا اول حاجه قولتها وانا بترعش شفت نفس المخلوق ده تانى والمره دى انا صاحيه يعنى مش كابوس دى حقيقه وانا خايفه اوى يا عادل......

ملامح عادل كانت بتقول انه مصدقنى ......

لقيت عادل بيقولى قومى لبسى العيال وتعالى نروح نقعد مع بابا كام يوم ونشوف حل للمشكله.......

وروحنا عند عم ابراهيم ابو عادل مع اذان الفجر وبدء عادل يحكى لعم ابراهيم كل حاجه.......

لقيت عم ابراهيم بيقولى ادخلى نامى يا بنتى وماتخفيش وباذن الله الصبح هيكون ليها حل.........

وسمعت الكلام وقومت شغلت القران ونمت والحمد لله نوم طبيعى بدون كوابيس.........

صحيت من نومى وحضرت الفطار واتجمعنا كلنا وبدء عم ابراهيم يقول لعادل بعد الظهر ان شاء الله هتروح تجيب الشيخ عماد انا كلمته واتفقت معاه وان شاء الله هيكون سبب فى حل المشكله دى..........

ومع اذان الظهر عادل اتحرك عشان يجيب الشيخ عماد......

وبعد مرور ساعتين تقريبا عادل رجع وكان معاه الشيخ عماد وبعد لما سمع منى كا التفصيل بدء بالقراءه عليا انا مكنتش حاسه باى حاجه غريبه غير انى باصه للشيخ عماد وعماله اضحك ومش قادره اسيطر على نفسى وبطل ضحك

 وبعد الشيخ عماد خلص الرقيه لقيته بيقول لعم ابراهيم ان فى جنى عاشق خديجه بس هو من النوع الطيار وباذن الله هنقدر عليه بس لزم يكون فى الشقه بتاعتهم.........

الشيخ عماد خلص كلامه وقام نزل واتفقنا ان بكره ان شاء الله هنروح الشقه..........

واليوم عدى تمام بدون مشاكل وتانى يوم بعد الظهر روحنا الشقه وكان معانا الشيخ عماد سيبتهم قاعدين وخلت المطبخ جيبت العصير وانا خارجه من المطبخ كان الشيخ عماد بدء يقراء القران فى الشقه واول لما قربت منهم لقيت العصير وقع من ايدى بطريقه غريبه وبعدها اتخشبت مكانى من الرعب انا شايفه المخلوق ده واقف وراه الشيخ عماد حاولت اصرخ بس صوتى مش طالع والشيخ مازل بيقراء والمخلوق الغريب ده قرب من الشيخ عماد وخبطه على دماغه الشيخ عماد وقع على الارض وفى الوقت اللى عادل وعم ابراهيم بيشوفوا الشيخ عماد كان المخلوق ده بيبصلى وملامحه بدئت تظهر حاجه فعلا مرعبه وصوت ضحكته اللى محدش كان سمعها غيرى وبدء يتكلم بصوت مخيف ويقول انا خازبيل ومحدش هيقدر ياخدك منى انا خازبيل ملك من ملوك الجن السفلى

فى اللحظه دى كان صوت اذان العصر واختفى خازبيل وانا من شدة الرعب فقدت الوعى.......

فوقت وكمان الشيخ عماد بقى كويس وبدئت اقولهم كل اللى شفته وكل اللى حصل للشيخ عماد من خازبيل.......

الشيخ عماد قال لعم ابراهيم الموضوع صعب وباذن الله يومين اكلم اكتر من شيخ ونيجى نحل المشكله........

ورجعنا بيت عم ابراهيم وبدئت احلم بكوابيس معظمها حد بيحاول يعتدى عليا جنسيا بس الحمد لله بقدر اقاوم ومحدش عارف يلمسنى بس بقيت اقوم من النوم فى كدمات حمرا فى كل جسمى وخرابيش كتير .....

عم ابراهيم بيحاول يتصل بالشيخ عماد بس بيتهرب منه بعدها عادل راح للشيخ البيت وهنا قاله الحقيقه ان هو مش هيقدر يساعدنى وانه بسبب ان ادخل فى موضوعى حصلتله مشاكل كتير خلال اليومين دول.....

وبدئت الاحداث تتطور والرعب بيذيد وبقيت بموت فى اليوم اكتر من مره المخلوق ده بدء يظهر فى شقة عم ابراهيم مش بس كده ريتاج بنتى شفته اكتر من مره وفضلت تصرخ وتقول عفريت يا ماما ......======0-=-

بقيت عايشه فى جحيم وبقيت بموت من الخوف لحد من بناتى يحصله حاجه لحد اليوم اللى لقيت عادل بيتصل بيا وبيقولى انه معاه شيخ روحانى كويس وجاين فى الطريق.......

بعد لما قفلت التليفون حصلت حاجه غريبه شوفت خازبيل ظهر وبيضحك وبيقولى مش هيجى مش هيجى وبيضحك بسخريه واختفى.....

انتظروني في الجزء التاني ......

#اضغط_____________لايك.........

#اكتب______________تعليق........

#واعمل_____________مشاركه_للقصه...............

 

 

ياريت تدعمنى بمتابعة 

#أسماء كمال