قصص رعب حقيقية قصة الكنيسة المهجورة 💀⛏️

قصه كامله رعب من فترة طويله اصحابي عرضوا عليا اننا نجازف وندخل الكنيسه المهجورة اللي بينها وبين الشاليه حوالي 200 متر في البداية رفضت وقلت لهم لا يا رجاله مش موافق احنا جايين الشاليه هنا علشان نغير جو كام يوم مالهاش لازمه نخاطر بحياتنا لمجرد اننا نرضي فضولنا وشغفنا تجاه شئ احنا منعرفش المخاطر اللي ممكن تحصلنا فيما بعد لو جازفنا ودخلنا مكان زي ده احنا جايين هنا تلاته عايزين نرجع تلاته بالله انسوا الموضوع ده تماما لكن بعد عده محاولات منهم لاقناعي وافقت في النهاية رغم اني كنت رافض الفكرة تماما الا اني محبتش ازعلهم مني الساعه 8 مساءً خرجنا من الشاليه وإتوجهنا للكنيسه مكدبش عليكم كنت خايف لكن بدأت أطمن نفسي بوجود اصحابي معايا اتكلمنا شويه واحنا ماشيين وصلنا للكنسيه مكناش محتاجين نشغل الكشافات لان اعمده الكهرباء كانت قريبه منها وكانت الإضاءة واضحه جدا معرفناش ننط من فوق السور بسبب الاسلاك الشائكه الموجوده عليه اضطرينا ندخل من فتحه كانت موجوده في السور اللي محاوط الكنيسه بالكامل كان باين انها قديمه جداً من خلال تشققات الجدران والأبواب والشبابيك الخشبيه...